Qazaqstannyń ońtústiginde 3,7 baldyq jer silkinisi tirkeldi

ASTANA. QazAqparat – Tótenshe jaǵdaılar mınıstrligine qarasty seısmıkalyq stansalar jelisi 10 aqpan kúni Almaty ýaqytymen 20 saǵat 21 mınýtta jer silkinisin tirkedi, dep habarlaıdy QazAqparat.

«Zilzalanyń oshaǵy Almatydan soltústik-shyǵysqa qaraı 259 km qashyqtyqta Qazaqstan aýmaǵynda jatyr. Energetıkalyq klasy - 7.1. Magnıtýdasy - 3.7 MPV. Baǵyty oshaǵynan 44.63° s.e. 79.47° sh.b. jatyr, tereńdigi - 10 km. Sezilýi týraly aqparat joq», - delingen habarlamada.

Búgin qazaqstandyq seısmologtar Qazaqstan men Reseı shekarasynda 4,4 baldyq jerasty dúmpýlerin tirkedi.

Sondaı-aq Almaty mańynda Qyrǵyzstan aýmaǵynda eki ret jer silkindi.

Foto: ekonomigundemi.com.tr