Qazaqstannyń ońtústiginde 25-30 gradýsqa deıin ystyq bolady
ASTANA. QazAqparat - Sýyq atmosferalyq aýa aǵyndary Qazaqstannyń aýmaǵy arqyly ótip, 12-14 sáýirde jaýyn-shashyn, qar aralas jańbyr ákeledi, dep habarlaıdy QazAqparat «Qazgıdromet» RMK-ǵa silteme jasap.
Respýblıkanyń soltústik bóliginde aýa temperatýrasy tómendeıdi.
Ońtústik jáne shyǵys aýdandarǵa Ortalyq Azııadan jyly aýa massasy yǵysady. 13-14 sáýir kúndiz ońtústik pen ońtústik-shyǵysta aýa temperatýrasy 20-25, keı jerlerde 27-30 gradýsqa deıin, shyǵysta 13-18, keı jerlerde 21 gradýsqa deıin ystyq bolady.
Qyzylorda jáne Qostanaı oblystarynda eskertý jarııalandy. 12 sáýirde Qyzylorda oblysynyń keı jerlerine tuman túsýi yqtımal. Kúndiz shyǵystan, ońtústik-shyǵystan soqqan jeldiń jyldamdyǵy 15-20 m/s bolady. 12 sáýirde Qostanaı oblysynyń keı jerlerine tuman túsip, kóktaıǵaq bolady, jeldiń jyldamdyǵy 15-20 m/s-ge jetedi.
