Qazaqstannyń ońtústigi men soltústiginde dúısenbi kúni jaýyn-shashyndy bolyp, jel kúsheıedi
ASTANA. QazAqparat - Qazaqstannyń soltústik jáne ońtústik bóliginde atmosferalyq aǵyndardyń ótýimen aýa raıynyń turaqsyz sıpaty saqtalady, munda keı jerlerde jaýyn-shashyn bolyp, jel kúsheıedi, soltústikte jaıaý borasyn kóterilip, tuman túsedi, kóktaıǵaq bolady. Respýblıkanyń qalǵan aýmaǵynda kún ashyq bolady, dep habarlady Qazgıdromet.
Aqmola, Soltústik Qazaqstan oblystarynda túnde jel 15-20 m/s-qa deıin kúsheıip, jaıaý borasyn júredi. Jambyl, Ońtústik Qazaqstan, Aqtóbe oblystarynda, túnde Qostanaı oblysynda keı jerlerde tuman túsedi. Mańǵystaý, kúndiz Atyraý oblystarynda keı jerlerde tuman túsip, kóktaıǵaq bolady, jel 15-20 m/s-qa deıin kúsheıedi. Almaty oblysynda keı jerlerde tuman túsedi, kúndiz Alakól kóli aýdany tusynda jel 23-28 m/s-qa deıin kúsheıip, uıytqýy 35 m/s-tan asady
