Qazaqstannyń Ońtústigi men Shyǵysyndaǵy energııa resrýstaryn tolyq paıdalaný jylyna shamamen 30 gVt elektr energııasyn óndirýge múmkindik beredi

ASTANA. QazAqparat - Qazaqstannyń Ońtústigi men Shyǵysyndaǵy energııa resrýstaryn tolyq paıdalaný jylyna shamamen 30 gVt elektr energııasyn óndirýge múmkindik beredi.

Bul týraly búgin QR Energetıka mınıstri Vladımır Shkolnık málim etti.

«Qazaqstannyń gıdroenergetıka salasynda da zor áleýeti bar. Menińshe, Ońtústik pen Shyǵystaǵy energııa resýrstaryn tolyq kólemde paıdalaný jylyna shamamen 30 gVt elektr energııasyn óndirýge múmkindik beredi», - dedi ol búgin Halyqaralyq energetıkalyq agenttiktiń jarııalanymy men Shyǵys Eýropa, Kavkaz jáne Ortalyq Azııa elderiniń energıkalyq saıasatyna sholýǵa arnalǵan INOGATE baǵdarlamasynyń tusaýkeserine arnalǵan sharada.

Sonymen qatar mınıstr Qazaqstannyń jańartylatyn energııa kózderin damytýda da zor áleýetke ıe ekendigin basa aıtty.

«Kún men jeldi paıdalanýda da Qudaı bizdi kende qaldyryp otyrǵan joq», - dedi V.Shkolnık.