Qazaqstannyń ońtústigi men ońtústik-shyǵysynda jaýyn-shashyn bolady

ASTANA. QazAqparat – Qazaqstannyń keı aımaqtarynda qar jaýady, eldiń ońtústigi men ońtústik-shyǵysynda jańbyr men qar jaýýy múmkin, dep habarlaıdy QazAqparat «Qazgıdromet» RMQ-ǵa silteme jasap.

Qazaqstannyń basym bóligine antıtsıklon yqpal etedi, tek batystaǵy aýdandar batystan shyǵysqa qaraı yǵysyp kele jatqan tsıklonnyń yqpalynda bolady.

Sonyń áserinen respýblıkanyń jekelegen aýdandarynda qar jaýady, eldiń ońtústigi men ońtústik-shyǵysynda jańbyr men qar jaýady. 16-18 aqpanda ońtústik pen ońtústik-shyǵystaǵy taýly aýdandarda nóser jaýyn men qalyń qar túsýi múmkin. Respýblıkanyń ońtústik bóliginde kóktaıǵaq bolyp, taýly jáne taý baýraıyndaǵy aýdandarda tuman túsedi. Respýblıkanyń soltústiginde jel kúsheıip, jaıaý burqasyn bolady.

Buǵan deıin sınoptıkter Qazaqstannyń segiz óńirinde eskertý jarııalady.