Qazaqstannyń ońtústigi men batysynda jekelegen jerlerde ótkinshi jańbyr jaýady - 29 mamyrǵa arnalǵan aýa raıy boljamy
ASTANA. 28 mamyr. QazAqparat - Qazaqstannyń ońtústigi men batysynda atmosferalyq aǵymdardyń ótýine baılanysty jekelegen jerlerde naızaǵaı aralas ótkinshi jańbyr jaýyp, jel kúsheıedi, respýblıkanyń soltústigi men shyǵysynda antıtsıklonnyń yqpaly
saqtalýyna baılanysty kún raıy jaýyn-shashynsyz bolady dep kútilýde. Bul týraly Qazgıdrometke silteme jasaı otyryp, QR TJM-niń baspasóz qyzmeti habarlady.
Jambyl, Ońtústik Qazaqstan, Qyzylorda, Batys Qazaqstan, Aqtóbe, Qostanaı, kúndiz Soltústik Qazaqstan oblystarynda 15-21 m/s jyldamdyqpen jel soǵady dep kútilýde.
Almaty oblysynda Alakól kóliniń aýmaǵynda 15-20 m/s jyldamdyqpen jel soǵady. Qyzylorda, Ońtústik Qazaqstan oblystarynyń jekelegen jerlerinde órttiń joǵary qaýpi saqtalady.
Aldaǵy táýlikterde Almaty oblysynyń jekelegen taýly ózenderinde sý deńgeıiniń artýy baıqalady, Batys Altaıdyń birneshe ózenderinde sý deńgeıiniń azaıýy baqalady. Respýblıkanyń ońtústik ózenderinde sý deńgeıi aýytqıdy.
