Qazaqstannyń óńirlerinde aımaqtyq áýe ushaqtary jetispeıdi
ASTANA. QazAqparat - QR IDM Azamattyq avıatsııa komıteti tóraǵasy orynbasarynyń mindetin atqarýshy Toty Ámirova áýe kemeleriniń qandaı túri Qazaqstannyń óńirlerine jetispeıtinin atap ótti, dep habardaıdy «QazAqparat» HAA tilshisi.
Toty Ámirovanyń aıtýynsha, joǵarǵy ári jeńil avıatsııada ushaqtardyń jetispeýshiligi sezilmeıdi.
«Joǵarǵy ári jeńil avıatsııada ushaqtardyń sany aıtarlyqtaı artyp keledi. Eger Roman Vasılevıch (QR IDM vıtse-mınıstri - avt.) osy avıatsııadaǵy ushaqtardyń sany ótken jyly 602 bolǵanyn atap ótse, bıyl olardyń sany 662-ge jetti. Demek, aıtarlyqtaı tez artyp keledi», - deıdi Toty Ámirova.
Alaıda Toty Ámirova óz sózinde aımaqtyq áýe kemeleriniń sany az ekenin jetkizdi.
«Qazaqstanda aımaqtyq áýe kemeleriniń jetispeýshiligi seziledi. Oblys ortalyqtarynan habarlasyp jatqanda jáne 15-20 shaqty jolaýshyny tasymaldaǵan kezde aımaqtyq áýe kemeleri kerek bolyp jatady», - deıdi Toty Ámirova.
Eske sala ketsek, QR IDM Azamattyq avıatsııa komıteti tóraǵasy orynbasarynyń mindetin atqarýshy Qazaqstanda An-28 ushaǵynan bar-joǵy jeteýi ǵana qalǵanyn málim etken bolatyn.
