Qazaqstannyń ombýdsmen ınstıtýty adam quqyqtary salasyndaǵy pármendi qural ekendigin tanyta bildi - B. Imashev
ASTANA. Qazannyń 15-i. QazAqparat /Qanat Mámetqazyuly/ - Qazaqstannyń ombýdsmen ınstıtýty adam quqyqtary salasyndaǵy pármendi qural ekendigin tanyta bildi. Búgin «Adam quqyqtary jónindegi ýákildiń, memlekettik organdardyń jáne azamattyq sektordyń arasyndaǵy ózara árekettesýdiń ózekti máseleleri» atty taqyrypta ótken konferentsııa barysynda QR Parlamenti Senaty Zańnama jáne sot-quqyqtyq máseleler komıtetiniń tóraǵasy Berik Imashev osylaı málim etti.
«Adam quqyqtary jónindegi ýákildiń jyl saıynǵy baıandamalarynyń arqasynda qylmystyq-atqarý júıesindegi qordalanǵan problemalar men olqylyqtar, zań júzindegi kemshilikter keńinen jarııalandy. Bundaı problemalardyń ózi ýákiletti organ ókilderimen túzeý mekemeleriniń barlyq túrdegi rejıminde, sondaı-aq elimizdiń óńirlerindegi tergeý ızolıatorlarynyń barlyǵynda derlik turaqty bolyp, ondaǵy máselelerge saralaý jumystaryn júrigizý barysynda anyqtaldy»,- dedi B. Imashev.
Senatordyń aıtýynsha, tergeý oryndary men túzeý mekemelerinde oryn alǵan kemshilikterdiń basym bóligi quqyq qorǵaý organdary qyzmetiniń tájirıbelerimen tyǵyz baılanysty. «Sondyqtan da bundaı baǵyttaǵy zań buzýshylyqtardy boldyrmaý úshin qoǵamdyq baqylaýdy damyta túsý qajet. Sonymen birge, Adam quqyqtary jónindegi ýákildiń janynan bas bostandyǵynan aıyrylǵandardyń quqynyń saqtalýyn qadaǵalaý jóninde Qoǵamdyq keńes qurý qajet», - dedi senator.
