Qazaqstannyń oblys ortalyqtarynda Ulttyq ulannyń rotalary qurylady
«Búgin QR Parlamenti Senatynyń Halyqaralyq qatynastar, qorǵanys jáne qaýipsizdik komıteti otyrysynda 2017-2019 jyldarǵa arnalǵan Ulttyq ulandy damytýdyń kezekti baǵdarlamasyn talqylaıdy. Qazirgi ýaqytta ulttyq qaýipsizdigimiz qorǵaýǵa Ulttyq ulanymyz daıyn turýy qajet. Óıtkeni, elimizde, álemde terrorızm men ekstremızm qaýpi bar. Sol úshin materıaldyq-tehnıkalyq jaǵynan daıyn bolýymyzdi kózdeıtin baǵdarlama ázirledik», - dedi ol.
Onyń aıtýynsha, osydan 2 jyl buryn Elbasy Jarlyǵymen Іshki ásker Ulttyq ulan retinde qaıta qurylyp, qosymsha mindetter júktelgen. Máselen, burynǵy Tótenshe jaǵdaılar mınıstrligi qysqartylyp, onyń ishki ásker bólimi Ulttyq ulannyń qaramaǵyna ótken.
«Soǵan baılanysty Qazaqstannyń kez kelgen aýmaǵynda tótenshe jaǵdaı oryn alǵan kezde halyqqa kómek kórsetemiz. Oblystarda jańadan rota, bir qalada áskerı bólim ashý josparlaýdamyz. Biz júrgizgen saraptama sońǵy 3-4 jylda tótenshe jaǵdaılardyń kóbeıip kele jatqanyn kórsetti. Demek biz tabıǵı tehnogendik apattarǵa daıyn bolýymyz kerek. Kadr jetkilikti. 1997 jyly Prezıdent tapsyrmasymen Petropavlda áskerı ıstıtýt ashylǵan. Bıyl bul áskerı ınstıtýtqa 20 jyl bolady. Osy jyldyń ishinde 3 myńnan asa kadr daıyndady. Akademııalyq deńgeıde kadrlardy Reseı, Belarýs, Túrkııada daıyndaımyz», - dedi Satov.
