Qazaqstannyń Nıderlandydaǵy elshisi Shell kompanııasynyń basshylyǵymen kezdesý ótkizdi

BRıÝSSELЬ. QazAqparat – Qazaqstannyń Nıderlandydaǵy elshisi Asqar Jumaǵalıev Gaaga qalasynda Shell munaı-gaz kompanııasynyń vıtse-prezıdenti Djoan Kýnsbergpen kezdesti, dep habarlaıdy QazAqparattyń menshikti tilshisi.

Kezdesý barysynda Asqar Jumaǵalıev atalǵan kompanııanyń vıtse basshysyn qańtar oqıǵasynan keıin Qazaqstan basshylyǵy qabyldaǵan saıası sharalar men energetıka keshenine qatysty reformalar týraly baıandady.

Sondaı-aq, óndirý salasy qyzmetkerlerin áleýmettik turǵydan qorǵaý jáne ınvestıtsııalyq saıasatty jetildire túsýge qatysty sońǵy sheshimderdi jetkizdi.

Odan bólek, álemdik energetıka naryǵyndaǵy sońǵy aǵymdyq jaǵdaı talqylandy.

Óz kezeginde Shell ókili sheteldik ınvestorlar keńesiniń qyzmetin joǵary baǵalap, QR Úkimeti men Shell arasynda senimdi qarym-qatynastyń baryn atap ótti.

Sonymen qatar kezdesý barysynda dekarbonızatsııa jáne jasyl energetıka salasy boıynsha yntymaqtastyqty damytý máseleleri talqylandy.