Qazaqstannyń negizgi strategııalyq qujattary qandaı

ASTANA. QazAqparat – Ulttyq ekonomıka mınıstri Álibek Qýantyrov elimizdiń negizgi strategııalyq qujattary jaıly aıtty, dep habarlaıdy QazAqparat tilshisi.

«Turaqty damý maqsattary 100 paıyz oryndalmaı qalatyn sııaqty. Biraq, biz olardyń áserin barynsha arttyrýymyz qajet. Jáne de bul jumys únemi júrgiziledi. Turaqty damý maqsattaryn qabyldaǵanǵa deıin de bizde osyndaı kórsetkish boldy. Qazaqstan - damýdyń uzaqmerzimdi mejesi bar álemdegi birneshe eldiń biri. 2012 jyldyń ózinde biz 2050 jylǵa deıingi strategııa qabyldadyq. Bıyl Prezıdent jańa qujatqa – 2060 jylǵa deıingi kómirtegi beıtaraptyǵy strategııasyna qol qoıdy ári uzamerzimdi mejemizdiń kókjıegi keminde 10 jylǵa keńeıdi», - dedi mınıstr Astana halyqaralyq forýmynda.

Ol elimizde turaqty damý maqsattaryna aıryqşa nazar aýdarylyp otyrǵanyn basa aıtty.

«Jasyl ekonomıka, genderlik teńdikke qatysty kún tártibimiz bar. Biz bul salalardyń bárine aıryqsha mán beremiz. Úılestirý keńesi jumysynyń arqasynda barlyǵyn da júıeli negizde jasap otyrmyz. Turaqty damý maqsattaryn júzege asyrýǵa qatysty kez kelgen pikirtalasqa qatysamyz. Óıtkeni, olar ekonomıkamyzben, áleýmettik máselelermen, ınfraqurylymmen jáne qorshaǵan ortamen tyǵyz baılanysty», - dedi Álibek Qýantyrov.