Qazaqstannyń muraǵat salasy memlekettik organdardyń qoldaýyna muqtaj - B. Japarov
ALMATY. QazAqparat - Qazaqstannyń muraǵat salasy memlekettik organdardyń qoldaýyna muqtaj. Bul týraly búgin Almatydaǵy Ortalyq kommýnıkatsııalar qyzmetinde ótken baspasóz máslıhaty barysynda QR Prezıdenti Muraǵatynyń dırektory Borıs Japarov aıtty.
«Muraǵat jumyskerleriniń mártebesi óte tómen ekeni jasyryn emes. Ásirese óńirlerde. Barlyq oblystyq muraǵattar jergilikti mádenıet jáne sport basqarmalarynyń nemese tilder basqarmasynyń qolastyna engizilgen. ıAǵnı, áli de bularǵa ortalyq memlekettik qurylymdardan kómek jetpeı jatyr. Muraǵattar tasada qalyp qoıdy. Reseıde jaqynda jarlyq shyǵyp, federaldy arhıv memleket basshysynyń qolastyna berildi. Qazaqstanda da bul problemaǵa basa nazar aýdaratyn kez keldi», - dedi ol.
Onyń aıtýynsha, QR Prezıdentiniń Muraǵaty sońǵy kezeńde elektrondy muraǵat jasaýmen jedeldete aınalysyp keledi.
«Tarıhı qujattar tsıfrlyq formatqa kóshirildi. Sońǵy 2 jylda 2 mln bettik 30 myńǵa jýyq qujattyń tsıfrlyq balamasy jasaldy. Bul 1-sanattaǵy 160 myń qujattyń 20 paıyzy. 2020 jylǵa taman tolyq bitiremiz dep oılaımyz», - dedi ol.
Qazirgi tańda Prezıdent muraǵaty elektrondy muraǵattyń baǵdarlamalyq qamtýyn jasap jatyr. Keıinirek bul tehnologııa barlyq muraǵattarda qoldanylatyn bolady.
Sondaı-aq, QR Prezıdenti Muraǵaty «Keńestik Qazaqstandaǵy nomenklatýralyq kadrlar. 1919-1991 jyldar» elektrondy anyqtamalyǵynyń 1-shi bólimin tanystyrdy.
Jınaqqa bılik eshelonynda qyzmet etken 4970 laýazymdy tulǵanyń ómirbaıandary, 1500 fotosýreti endi.
