Qazaqstannyń munaıy men gazyn urlaýda sheteldikter de belsendilik tanytyp otyr - aptalyq brıfıng
ASTANA. Qazannyń 28-i. QazAqparat /Aıdar Ospanalıev/ - Gaz jáne munaı ónimderin zańsyz paıdalanýdan tapqan paıda shash-etekten. Mańǵystaý oblysyndaǵy «Qazpolmunaı» jaýapkershiligi shekteýli seriktestiginiń Bas dırektory,
Moldavııa azamaty S.Kornegýrtsa gaz jáne munaı qubyrlaryn lıtsenzııasyz paıdalanyp, 21 mıllıard 675 mıllıon teńge paıda taýypty. Qazirgi tańda atalmysh azamattyń mal-múlki tárkilenip, 4 jylǵa bas bostandyǵynan aıyryldy. Bul málimetpen jýrnalıstermen bolǵan brıfıngte Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı tanystyrdy, dep habarlaıdy QazAqparat.
Onyń aıtýynsha, qazir atalmysh seriktestiktiń ózge de basshylarynyń zańsyz áreketterine qatysty qylmystyq is jalǵasýda. Sondaı-aq osy aımaqtaǵy «Tolqynmunaıgaz» jaýapkershiligi shekteýli seriktestiginiń jetekshileriniń de zańsyz isteri qaralýda. Olar da munaı, gaz qubyrlaryn zańsyz paıdalanyp, 125 mıllıard teńge kóleminde paıda tapqan. Basshylarǵa qazir izdeý jarııalanyp, qamaýǵa alý jóninde sot sheshimi shyqqan.
