Qazaqstannyń munaı ónimi Fınlıandııaǵa eksporttalmaq
Bul týraly QazAqparat tilshisine «Kondensat» AQ bas dırektory Edýard Júnisov aıtyp berdi.
«Batys Qazaqstan oblysy Bórli aýdanyndaǵy «Kondensat» AQ-nyń zaýyty óte qysqa merzim ishinde, naqtyraq aıtsam, 1 jyl 1 aı ishinde munaıdy vakýýmda aıyrý sektsııasynyń qurylysyn aıaqtady. Endi jańa qurylǵy munaı ónimderin qaıta aıyryp, shyǵarýǵa múkindik beredi ári ónimdi eksporttaıdy. ıAǵnı, endi qara maı ónimi men gaz maıly dızel otynyn qaıta shyǵarýǵa múmkindik bar. Bul joba motor maılarynyń óndirisin keńeıtý men jańǵyrtý jónindegi ınvestıtsııalyq jobanyń kezekti kezeńi»,-deıdi Edýard Júnisov.
Bas dırektordyń habarlaýynsha, sektsııanyń qurylysy bir jyldyń ishinde aıaqtalǵan. Bir aı boıy qurylǵyny iske qosý jumystary atqarylǵan. Sektsııanyń qurylysyna 16 shaqyrym qubyr, 1000 tonna metall paıdalanylǵan. Qurylǵynyń qýattylyǵy - jylyna 250 myń tonna qaıta óńdelgen munaı ónimderi.
«Vakýýmda qaıta aıyrý ádisiniń arqasynda munaı óniminiń qaıta óńdeýge jaraıtyn tereńdigi uzarady, sondaı-aq, satylatyn ónimniń túri kóbeıedi. Jańadan iske qosyǵan sektsııada 1000 tonna qara maı óndirip úlgerdik. Bul ónimniń nayqtaǵy suranysy óte joǵary, óıtkeni, jol qurylysyna kóp paıdalanylady. Sondaı-aq, 2500 tonna vakkým gaz maıly dızel otynyn óndirdik. Bolashaqta bul ónimdi Qazaqstannyń káiporyndarynan tys, Reseıge jáne shetelge shyǵarýdy kózdep otyrmyz. Al, alǵashqy partııasy Fınlıandııaǵa eksporttalady»,-deıdi E.Júnisov.
Jobanyń jalpy quny - 168,6 mln dollar, al, qarjylandyrǵan «Qazaqstannyń damý banki» AQ. «Báıterek» AQ-nyń enshiles uıymy sanalatyn bank qurylysqa qajetti qarajattyń 70 paıyzyn 11 jylǵa zaımǵa bergen. Joba 2015-2019 jyldarǵa arnalǵan «Údemeli ındýstrııalyq-ınnovatsııalyq damý» Memlekettik baǵdarlamasynyń aıasynda júzege asyrylǵan.
