Qazaqstannyń múmkindigi úlken velojarys ótkizýge múmkindik beredi - veloshabandoz Andreı Kashechkın
LЬEJ. 25 sáýir. QazAqparat /Dımash Syzdyqov/ - Qazaqstannyń múmkindigi úlken velojarys ótkizýge múmkindik beredi.
Belgııanyń Ardenna taýlarynda ótken «Lej-Baston-Lej» jarysynyń qorytyndysy boıynsha qazaqstandyq jýrnalısterge suhbat bergen veloshabandoz Andreı Kashechkın osylaı dedi. Qazaqstandyq veloshabandoz ıtalıandyq «Lampre» komandasynyń qatarynda óner kórsetip júr.
Onyń aıtýynsha, Eýropada velosport jaqsy damyǵan. Mysaly, jeksenbi, 24 sáýirde ótken «Lej-Baston-Lej» jarysy osymen jetpisinshi ret ótkizilip otyr. «Astanada salynǵan jańa respýlıkalyq velotrek áýesqoılar men kásipqoılardyń nazaryn aýdarady dep oılaımyn. Halyqaralyq deńgeıdegi jarystar ótkizýge bolatyn bizdiń trekke endi álem elderinen sportshylar kele alady», -deıdi A.Kashechkın.
Tanymal sportshy sondaı-aq bolashaqta bizdiń elimizde, mysaly «Astana-Býrabaı» baǵyty boıynsha álemdik deńgeıdegi shosselik klassıkalyq velojarys ótkizý múmkindigine úmit bildirdi. «Nege ótkizbeske? Bizdegi múmkindik, Belgııadadan da jaqsy. Búgingi jarystyń joly óte qıyn boldy, oıly-qyrly. Meniń oıymsha, Qazaqstanda da osyndaı klassıkalyq jarys ótkize alamyz», dep atap kórsetti A.Kashechkın.
