Qazaqstannyń Moody's nesıelik reıtınginde kórsetkishteri jaqsardy

NUR-SULTAN. QazAqparat - «Moody's Investors Service» Qazaqstannyń emıtentiniń jergilikti jáne sheteldik valıýtadaǵy uzaq merzimdi reıtıngterin «Baa3» deńgeıinde baǵalap, óz boljamyn «Turaqtydan» «Pozıtıvtige» kóterdi. Bul týraly QazAqparat Kase.kz saıtyna silteme jasap habarlaıdy.

«Sheteldik valıýtadaǵy basym qamtamasyz etilmegen borysh reıtıngi de «Baa3» deńgeıinde baǵalandy. Reıtıngtiń «pozıtıvti» deńgeıge kóterilýine Qazaqstan ekonomıkasynyń «streske tózimidiligi» artýy sebepker boldy. Kómirsýtek salasynyń tabysy artqan. Ekonomıkalyq reformalardyń múmkindigi jáne bıýdjet qoryn tıimdi ári aqylǵan qonymdy basqarý Qazaqstannyń neıselik qabiletin arttyra túsedi. «Baa3» deńgeıi úkimettiń aktıvteri men passıvteriniń teńgerimi bar ekenin kórsetedi», – dep jazady Kase.kz.

Saıttyń habarlaýynsha, Qazaqstan úshin jergilikti valıýtadaǵy oblıgatsııalar men depozıtterdiń uzaq merzimdi reıtıngteri burynǵysynsha «Baa1» deńgeıinde qalyp otyr.

«Shetel valıýtasyndaǵy oblıgatsııalar men depozıtterdiń uzaq merzimdi reıtıngteri ózgergen joq. Tıisinshe «Baa2» jáne «Baa3» deıńgeıinde qaldy. Al oblıgatsııalar men depozıtterdiń shetel valıýtasyndaǵy qysqa merzimdi reıtıngteri «P2» jáne «P3» deńgeıinde qaldy. Atalǵan «shekara» eldegi sharýashylyq sýbektileriniń oblıgatsııalary sapaly ekenin ańǵartady», - delingen saraptamada.