Qazaqstannyń monopolııaǵa qarsy agenttigi ınternet baǵasyn tómendetýi múmkin
ASTANA. 17 shilde. QazAqparat - QR Básekelestikti qorǵaý agenttigi eldegi ınternet qyzmetiniń baǵalaryn zerttep, ony tómendetý múmkindikterin qarastyrady.
Bul týraly vedomstvo basshysy Ǵabıdolla Ábdirahymov QR Prezıdentiniń «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» atty baǵdarlamasyn talqylaýǵa arnalǵan selektorlyq otyrysta málim etti.
"Memleket basshysy qazaqstandyq qoǵamnyń aqparattyq quraýysh ómirin arttyrý, azamattardy aqparattandyrý máselelerinde de, memleket pen halyqtyń turaqty «keri baılanysyn» nyǵaıtýda da ınternet-tehnologııanyń múmkindikterin keńeıtý jónindegi mindetterdi qoıdy. Ony iske asyrý maqsatynda agenttik tóraǵasy ınternet qyzmetine baǵany zerdeleý jáne ony tómendetý múmkindigin qarastyrýdy, sondaı-aq kirýge shekteý qoıý faktileriniń jolyn kesý boıynsha jumystardy júrgizýdi tapsyrdy», - dep habarlady agenttiktiń baspasóz qyzmeti.
