Qazaqstannyń monoqalalarynda 1,5 mln adam turyp jatyr

ASTANA. QazAqparat - Elimizdiń 27 monoqalasynda búgingi tańda 1,5 mln. adam turyp jatyr. Bul týraly búgin Májilistegi «Nur Otan» partııasy fraktsııasy janyndaǵy Óńirlik saıasat jáne máslıhattarmen jumys jónindegi keńestiń otyrysy barysynda Ulttyq ekonomıka vıtse-mınıstri Qaıyrbek Óskenbaev málim etti.

Vıtse-mınıstrdiń sózine qaraǵanda, áleýmettik ekonomıkalyq damý deńgeıi boıynsha alty monoqala joǵary, on toǵyzy ortasha damý deńgeıine jáne ekeýi tómengi damý áleýetine ıe bolyp otyr.

«Memleket basshysynyń tapsyrmasymen qabyldanǵan baǵdarlamanyń negizgi maqsaty - ondaǵy ekonomıkany ártaraptandyrý, shaǵyn jáne orta bıznesti damytý, áleýmettik jáne ınjenerlik ınfraqurylymdardy damytý. Sharalardy júzege asyrý úshin monoqalalarda oblys ákimdikterimen birlesken keshendi sharalar jospary qabyldanyp, soǵan oraı 2012-2014 jyldary baǵdarlamaǵa 88 mlrd teńge qarastyrylǵan bolatyn. Alaıda, bıýdjettiń tapshylyǵyna baılanysty bólingen soma 50 mlrd teńgeni ǵana quraıdy. Ekonomıkany ártaraptandyrý maqsatynda monoqalalarda 1,1 trln teńgeni quraıtyn 48 «zákirli» ınvestıtsııalyq joba júzege asyp 26 myń jumys orny qurylýy tıis. Qazirgi tańda iske qosylǵan joba sany 14-ke jetti, nátıjesinde 2,7 myń turaqty jumys orny quryldy», -dedi Q. Óskenbaev.