Qazaqstannyń MMA federatsııasy Morozov pen Vıtrýk arasyndaǵy qarymta kezdesýdi uıymdastyrýdy oılastyrýda
ASTANA. QazAqparat - Qazaqstannyń MMA federatsııasy Sergeı Morozov pen Pavel Vıtrýk arasyndaǵy qarymta kezdesýdi uıymdastyrýdy oılastyrýda. Bul týraly búgin Ortalyq kommýnıkatsııalar qyzmetinde ótken baspasóz máslıhatynda Qazaqstannyń MMA federatsııasynyń prezıdenti Anatolıı Kım málim etti.
Eske sala ketsek, byltyr 61,3 keli salmaq dárejesinde Morozov-Vıtrýk kezdesýi Máskeýde M-1 Challenge 64 týrnıri aıasynda ótken bolatyn. Qazaqstan namysyn qorǵaǵan Sergeı Morozov sol kezdesýde úsh raýndtyń qorytyndysy boıynsha jeńilis tapty. Bul onyń sporttyq mansabyndaǵy alǵashqy jeńilis bolǵanyn da aıta ketken jón.
«Este bolsa, Sergeı Morozov Máskeýde Challenge týrnırinde ońaı jekpe-jek ótkizgen joq. Bul tıtýldyq kezdesýge shyǵýǵa múmkindik beretin jekpe-jek edi jáne ol Vıtrýkqa jol berdi», - dep atap ótti ol. - Ókinishke oraı, Sergeı qazir chempıondyq tıtýl úshin bolatyn dodalardan shet qalyp qoıdy. Menińshe, Pavel Vırtýk osy salmaqta chempıon atanatyn sekildi. Sol kezde biz qarymta kezdesý týraly sóz qozǵaımyz. Meniń pikirimshe, Paveldiń ózi de qarymta kezdesýge ketári bolmaıdy, promoýterlermen de kelisemiz».
