Qazaqstannyń memlekettik júıesi zamanaýı syn-qaterge beıimdelýde - reseılik sarapshy

ASTANA. QazAqparat - Qazaqstannyń memlekettik júıesi qazirgi zamanǵy syn-qaterlerge beıimdelýde. Mundaı pikirdi QazAqparattyń  Máskeýdegi arnaýly tilshisi Medet Ahmetovke MMÝ janyndaǵy postkeńestik keńistiktegi qoǵamdyq-saıası protsesterdi zerdeleý jónindegi aqparattyq-saraptamalyq ortalyqtyń bas dırektory Sergeı Rekeda bildirdi.

«Reformanyń evolıýtsııalyq bolýy mańyzdy. Ózgeristerdi birtindep júrgizý qajet», - dedi ol Qazaqstan Prezıdentiniń óz ókilettikterin Úkimet pen Parlament arasynda qaıta bólý jónindegi úndeýine oraı.

 Sonymen qatar ol júıege reforma júrgizbese jáne memleket qajettiligine oraı beıimdelinbese, onda ózgerister sál qıyndyqtar  arqyly júrgizilýi yqımal ekendigin eskertti.

«Reformalaý qarqyny óte durys tańdap alynǵan dep oılaımyn. Sebebi, túsingenimshe, bul sońǵy bastama eken ári jańa quramdastarmen tolyǵa túsetin sııaqty», - dedi Rekeda.

Reseılik sarapshy elimizdiń qatardaǵy azamattary úshin oń nátıjeler retinde qazaqstandyqtardyń respýblıkadaǵy ahýal men saıası júıege yqpal etetin bılikke baqylaý júrgizý múmkindigin alady.

«Ádette memlekettik júıedegi ózgerister jańa kóshbasshynyń kelýimen baılanysty bolady. Alaıda bul rette qazaqstandyq tájirıbe jaqsy kórsetkish. Prezıdent Nazarbaev ókilettikterdiń bir bóliginen alyp, bıliktiń basqa tarmaqtary arasynda qaıta bólý qajettigin saıası turǵyda baıqap otyr», - dedi ol.