Qazaqstannyń memlekettik telearnalarynda juldyzdardyń qatysýymen jańa jobalar, teleserıaldar men sımkomdar paıda bolady - Baılanys jáne aqparat mınıstri
ASTANA. Maýsymnyń 3-i. QazAqparat /Gúlnár Jandaǵulova/ - Qazaqstannyń memlekettik telearnalarynda juldyzdardyń qatysýymen jańa jobalar, teleserıaldar men sımkomdar paıda bolady. Bul týraly Baılanys jáne aqparat mınıstri Asqar Jumaǵalıev búgin, maýsymnyń 3-inde óz blogynda habarlady.
Ótken demalys kúni mınıstr A.Jumaǵalıev Bas redaktorlar klýbynyń múshelerinen kezdesken bolatyn. Sol kezdesýde otandyq buqaralyq aqparat quraldarynyń damýyna kedergi bolyp otyrǵan problemalar talqylandy Bul atalmysh taqyrypty arqaý etken úshinshi kezdesý boldy. Jańa qyzmetke taǵaıyndalǵannan beri A.Jumaǵalıev naýryz jáne sáýir aılarynda respýblıkalyq jáne aımaqtyq basylymdardyń redaktorlarymen kezdesti.
Mınıstrdiń blogynda atap kórsetilgendeı, memlekettik buqaralyq aqparat quraldarynyń sapa problemasy týraly kóp aıtylyp keledi. «Bul men qyzmetke taǵaıyndalǵaly beri aınalysýmen kele jatqan problema. Memlekettik buqaralyq aqparat quraldarynyń atyna «habarlar qyzyqsyz», «resmı aqparattar tym kóp» degen syndardy jıi estımiz. Osy baǵytta jumys isteı bastaǵanymyzdy aıtqym keledi», - delingen habarlamada. Atap aıtqanda, memlekettik arnalarda mýzykalyq redaktor jáne kreatıvtik redaktor sııaqty jańa laýazymdar engizildi, arnalarda biregeı kontent qalyptastyrý jónindegi jańa tujyrymdamalar ázirlendi, jańa jobalar, teleserıaldar men sıtkomdar paıda bolady.
«Memlekettik telearnalarda «kórinisti» jaqsartý jumystary bastalǵanyn, aqparattyń berilý formaty da birtindep ózgeretinin aıtyp ótkim keledi», - deıdi mınıstr.
Mınıstr A.Jumaǵalıev sondaı-aq, telekontent qurýǵa tanymal tulǵalardy tartý qajet dep sanaıdy. Onyń pikirinshe, «eshnárseden qoryqpaý kerek, osylaısha ǵana biz keńinen tanymal bola alamyz». Bul máselede ózara tıimdi yntymaqtastyq qaǵıdasy jumys isteýi kerek, deıdi ol.
«Bas redaktorlar klýby» 2007 jyldyń qazan aıynda qurylǵan. Ol - quramyna Qazaqstannyń buqaralyq aqparat quraldarynyń basshylary men bas redaktorlary kiretin qoǵamdyq, erikti birlestik. Klýbtyń negizgi maqsaty - memlekettegi shyǵarmashylyq atmosferasyn nyǵaıtý, buqaralyq aqparat quraldarynyń arasynda salaýatty básekelestik, ózara qurmetke negizdelgen atmosfera ornatý, BAQ naryǵynyń damýyna jaǵdaı jasaý, qoǵamdaǵy turaqtylyq pen ultaralyq kelisim. «Bas redaktorlar klýby» qoǵamdyq birlestiginiń prezıdenti - «OKO» gazetiniń bas redaktory Bolat Erejepov.
