Qazaqstannyń memlekettik qaryzy qansha

NUR-SULTAN. QazAqparat - Parlament Májilisiniń jalpy otyrysynda QR Premer-Mınıstriniń birinshi orynbasary-Qarjy mınıstri Álıhan Smaıylov memleket qaryzy týraly aıtty, dep habarlaıdy QazAqparat tilshisi.

«Esepti talqylaý kezinde memlekettik qaryzdyń ósýine jáne kvazımemlekettik sýbektilerdiń boryshyna barynsha nazar aýdaryldy.Úkimet aldyndaǵy basty mindet - ol memlekettik qaryz kólemin qaýipsiz deńgeıde saqtaý. Ol úshin, biz bıýdjettiń kútiletin kiristerin jáne áleýmettik tólemderdiń ósýin eskere otyryp, on jyldyq kezeńge yqtımal qaryz júktemesin esepteımiz», - dedi Á. Smaıylov QR Úkimetiniń 2018 jylǵy respýblıkalyq bıýdjettiń atqarylýy týraly esebin tanystyrý kezinde.

«Memlekettik qaryz esepti jyldyń sońynda tómen deńgeıde qalyp otyr. Onyń mólsheri jalpy ishki ónimge shaqqanda 25,8 paıyzdy qurady», - dedi Úkimet basshysynyń birinshi orynbasary.

Budan buryn habarlanǵandaı, ótken jyly respýblıkamlyq bıýdjet shyǵystary 99,8 paıyzǵa oryndaldy. Respýblıkalyq bıýdjettiń áleýmettik shyǵystarynyń úlesi 44 paıyz bolyp qalyptasty.