Qazaqstannyń memlekettik qaryzy 4,4 trln. teńgeni quraıdy - B.Sultanov
ASTANA. QazAqparat - Qazaqstannyń memlekettik qaryzy 4,4 trln. teńgeni quraıdy. Bul týraly búgin QR Parlamenti Májilisinde 2013 jylǵy respýblıkalyq bıýdjettiń atqarylýy týraly Úkimet esebin tanystyrǵan Premer-Mınıstrdiń orynbasary - Qarjy mınıstri Baqyt Sultanov aıtty.
Onyń atap ótýinshe, 2013 jyldyń qorytyndysy boıynsha Qazaqstannyń úkimettik qaryzynyń deńgeıi jáne oǵan qyzmet kórsetý men óteý aǵyny qaýipsiz shekte.
«JІÓ-ge qatysty úkimet qaryzy 12,9 paıyzdy quraıdy. Inflıatsııanyń aǵymdyq deńgeıi men paıyzdyq stavkasy bıýdjetke qaryz júktemesinyń qolaıly deńgeıinde. Ol ótken jyly 9,7 teńge deńgeıinde qalyptasqan bolatyn», - dedi mınıstr.
B.Sultanovtyń aıtýynsha, jalpy qaryz kólemindegi basym úles ishki naryqtaǵy memlekettik qundy qaǵazdarǵa salynǵan.
«2014 jyldyń 1 qańtaryndaǵy jaǵdaı boıynsha memlekettik qaryz 4,4 trln. teńgeni nemese JІÓ-niń 12,9 paıyzyn qurady», - dedi ol.
