Qazaqstannyń materıaldyq emes mádenı murasyna arnalǵan kórmesi ashylady
ASTANA. 22 tamyz. QazAqparat - Erteń Táýelsizdik saraıynda ıÝNESKO Bas dırektory I.Bokovanyń qatysýymen Mádenıetter jaqyndasýynyń onjyldyǵyn (2013-2022 jj.) ulyqtaý boıynsha ótetin Halyqaralyq forým aıasynda Mádenıet jáne aqparat mınıstrligi Qazaqstannyń materıaldyq emes mádenı murasyna arnalǵan kórme uıymdastyrady.
Mınıstrlik baspasóz qyzmetiniń habarlaýynsha, kórmeniń maqsaty - Qazaqstannyń baı materıaldyq emes mádenı murasyn ulttyq jáne halyqaralyq deńgeıde nasıhattaý bolyp tabylady.
Kórmeden oıý-órnektermen bezendirilgen kıiz úılerdi, qoldan jasalǵan aǵash jıhazdardy, ulttyq mýzykalyq aspaptardy, qarý-jaraq pen ábzelder, ydystardy tamashalaýǵa bolady. Qonaqtar ulttyq taǵamdar men sýsyndardyń dámin tatyp kóre alady. Qymyz sapyrý kórsetilimi arnaıy usynylady. Kórmeniń ereksheligi: qoldanbaly óner kórmesi qoıylyp, sheberler qolóner buıymdaryn - basqur toqý, syrmaq syrý, keste tigý, kilem toqý, bilezik soǵý, qysh-qumyra jasaýdyń dástúrli tehnıkalaryn (sheberlik synyptar) kórsetedi.
Sahnada aıtysker aqyndar, ulttyq aspaptarda oryndaıtyn dástúrli ánshiler men kúıshiler, folklorlyq-etnografııalyq ansambl, bı ujymdary óz ónerlerin pash etedi.
Sonymen qatar, kórmege Qazaqstannyń materıaldyq emes mádenı murasyna arnalǵan fotosýretter men kitaptar («Mádenı mura» baǵdarlamasy aıasynda shyqqan etnografııa, arheologııa, salt-dástúr serııalary, «Babalar sózi» jınaqtary t.b.) qoıylady.
Qazaqstan ıÝNESKO-nyń «Materıaldyq emes mádenı murany qorǵaý týraly» konventsııasyna 2011 jyly qosylǵan. 2013 jyly Qazaqstan tarapynan ıÝNESKO ázirleıtin Adamzattyń materıaldyq emes mádenı murasynyń kórneki tizimine tórt mura joldandy. Olar: qazaqtyń dástúrli dombyra kúıi, aıtys óneri, kıiz úıdi daıyndaýdyń dástúrli bilimderi men daǵdylary jáne Naýryz meıramy.
