Qazaqstannyń mashına jasaý salasynda qarqyn ósim kórsetip otyr

NUR-SULTAN. QazAqparat - 2020 jyldyń 7 aıynyń qorytyndysynda mashına jasaý salasynda óndiris kólemi 13,9 paıyzǵa ósti. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Mashına jasaý salasy jaqsy nátıje kórsetip, óndiris kólemi 13,9 paıyzǵa ósti. Avtokólik quraldary, treılerler jáne jartylaı tirkemeler 45,1 paıyzǵa, mashınalar men jabdyqtardy jóndeý jáne ornatý 3,4 paıyzǵa, ózge kólik quraldaryn jasaý 113,8 paıyzǵa, elektr jabdyqtardy jasaý 0,2 paıyzǵa artty. Farmatsevtıka ónerkásibinde óndiris kólemi 23,2 paıyzǵa ulǵaıdy», - ded ol.

Mınıstrdiń dereginshe, jeńil ónerkásipte óndiris 7,3 paıyzǵa ósti.

«Kólik salasynda naqty kólem ındeksi bıylǵy 2020 jyldyń qantar-shilde aılarynda 84,4 paıyzdy qurady. Konteınerlerdiń tranzıttik tasymaldarynyń kólemi ótken jyldyń sáıkes kezeńimen salystyrǵanda 37 paıyzǵa artty jáne 483,1 myń jıyrma fýnttyq balamany qurady. Kóliktiń barlyq túrlerimen júk tasymaldaý kólemi 7,5 paıyzǵa tómendedi jáne 2,1 mlrd tonna qurady», - dedi Beıbit Atamqulov.