Qazaqstannyń mashına jasaý salasy qarqyndy ósip keledi

ASTANA. QazAqparat - Sońǵy 4 jyldyń ishinde Qazaqstannyń mashına jasaý salasynyń damý qarqyny turaqty ósim kórsetip keledi. Máselen, Indýstrıalandyrýdyń 1-shi besjyldyǵy júzege asyrylǵan kezeńde saladaǵy óndiris kólemi 2 esege artyp, 2010 jylǵy 376 mlrd. teńgeden 2013 jyly 854 mlrd. teńgege deıin ulǵaıǵan.

Budan bólek, elimizde mashına jasaý salasynyń tyń baǵyttary da qarqyndy damý ústinde. Qazaqstanda lokomotıv, jolaýshylar poıyzyn, avtobýstar men jeńil jáne júk kólikterin shyǵarý qolǵa alyndy. Respýblıkada General Electric, Talgo, Hyundai, Toyota syndy álemge tanym a l kompanııalar óz óndiristerin jolǵa qoıýda.

Al keler jyldan bastap Qazaqstan 2019 jylǵa deıin Údemeli ındýstrıaldy ınnovatsııalyq damý memlekettik baǵdarlamasyn júzege asyrýǵa kirisetin bolady. Atalǵan baǵdarlamadaǵy 14 salalyq basymdyqtyń 6-aýy mashına jasaý salasyna tıesili. Sondyqtan da Qazaqstanda mashına jasaý salasyna zor kóńil bólinýde.