Qazaqstannyń mashına jasaý salasy qalaı damyp keledi
ASTANA. QazAqparat - Májilis depýtaty, Qazaqstan mashına jasaýshylar odaǵynyń tóraǵasy Meıram Pshembaev otandyq mashına jasaý salasynyń qazirgi jaǵdaı týraly aıtyp berdi, dep habarlaıdy QazAqparat.
«Ótken jylmen salystyrǵanda, birinshi toqsannyń qorytyndysy boıynsha mashına jasaýda óndiris 17,2 paıyzǵa óskeni baıqaldy», - dep toqtaldy M. Pshembaev Úkimet úıinde ótken brıfıngte.
Onyń sózine qaraǵanda, búginde avtomobıl jasaý, tehnıkalyq mashına jasaý, akkýmýlıatorlar óndirý, munaı-gaz salasyna túrli quramdaýyshtardy shyǵarý, aýyl sharýashylyǵy tehnıkasyn shyǵarý sekildi salalarda ońtaıly kórsetkishter bar.
«Jalpy, bıyl Qazaqstannyń mashına jasaý salasy óndiris kólemin trıllıon teńden asyryp túsedi degen boljam bar. ıAǵnı tabysty nátıjeler bar bolǵandyqtan, sala atalǵan kórsetkishtermen shektelip qalmaıdy. Bizdiń maqsat - óndiris kólemin ary qaraı arttyra túsý», - dedi Meıram Pshembaev.
