Qazaqstannyń mamandandyrylǵan HQO-lary ýaqytsha qyzmet kórsetýdi toqtatty

ALMATY. QazAqparat – Mamandandyrylǵan halyqqa qyzmet kórsetý ortalyqtarynyń serverlerinde tehnıkalyq problemalar shyqty. Osyǵan baılanysty ýaqytsha memlekettik qyzmet kórsetý toqtatyldy, dep habarlaıdy QazAqparat tilshisi.

«Qazirgi ýaqytta «Ulttyq aqparattyq tehnologııalar» AQ mamandary mamandandyrylǵan HQO-da týyndaǵan jaǵdaıdy joıý úshin barlyq múmkindikti qarastyrýda. Almaty qalasynyń avtoHQO-synan qyzmet alýǵa tıis klıentter ony dúısenbi kúni qolda bar bron boıynsha resimdeı alady»,- dep habarlady vedomstvonyń fılıalynan.

Dúısenbi merekelik demalys kúni bolýyna qaramastan, mamandandyrylǵan HQO–lar azamattardy qabyldaıtyn bolady.