Qazaqstannyń qyzdar quramasy Ýnıversıada «altynynan» aıyrylyp qaldy
ASTANA. QazAqparat - Qazaqstan qyzdar komandasy Qytaıdyń Taıbeıinde ótken jazǵy ýnıversıadanyń 4×100 metrlik estafetasynda altyn medal ıelengenimen, artynsha aıyrylyp qaldy, dep habarlaıdy Sports.kz .
Quramyna Rıma Kashafýtdınova, Vıktorııa Zıabkına, Svetlana Golendova jáne Olga Safronova engen Qazaqstan quramasy márege birinshi bolyp keldi, alaıda, júgirý nátıjesinde olardy aıyp sanktsııasy, ıaǵnı 163.3 (a) tarmaǵy boıynsha jarystyń ýaqyt erejesin buzǵany úshin jarystan shyǵarý kútip turdy.
Osylaısha, «altyn» - Shveıtsarııaǵa, «kúmis» - Polshaǵa tıesili boldy. Al, Japonııadan kelgen sportshylar qola júlde ıelendi.
Aıta keteıik, bul júgirýde AQSh quramasy da (170.7 pýnktinde qarastyrylǵan estafeta taıaqshasyn berý syzyǵynan ótip ketý boıynsha) jarystan shyǵaryldy.
