Qazaqstannyń Qytaıdaǵy Elshisi jumys saparymen Shyńjańǵa bardy
Kezdesý barysynda taraptar Qazaqstan men ShUAA arasyndaǵy ártúrli salalardaǵy yntymaqtastyqtyń birqatar ózekti máselelerin talqylady, sondaı-aq ony odan ári damytý perspektıvalary týraly pikir almasty.
Sh.Nuryshev suhbattasýshynyń nazaryn ekijaqty taýar aınalymynyń kólemin arttyrý úshin qolaıly jaǵdaı jasaý qajettigine aýdardy.
Osy turǵyda qazaqstandyq dıplomat Qazaqstan-Qytaı shekarasyndaǵy ótkizý beketteriniń tıimdi jumys isteýi men «Qorǵas» shekara mańy yntymaqtastyǵy halyqaralyq ortalyǵynyń qyzmetin qalpyna keltirýdiń mańyzyn atap ótti.
«Baqty – Pokıtý» ótkizý beketinde úshinshi temirjol ótkeliniń qurylysyna, sondaı-aq qazaqstandyq azyq-túlik taýarlarynyń QHR aýmaǵyna jedeldetip ótýi úshin «jasyl dálizdi» ashýǵa erekshe nazar aýdardy.
Sonymen birge, mádenı-gýmanıtarlyq jáne týrıstik almasýlardy qalpyna keltirý máselesi talqylandy.
Osylaısha, Qazaqstan Elshisi ShUAA-men birlesken mádenı is-sharalar jáne óńirdegi týrıstik kompanııalar úshin elimizdiń kórikti jerleri týraly roýd-shoý ótkizý múmkindigin qarastyrýdy usyndy.
Ma Sınjýı óz tarapynan qazaqstandyq dıplomat kótergen máselelerdiń mańyzyn atap ótip, qytaı tarapynyń olardy belsendi túrde pysyqtaýǵa daıyn ekenin jetkizdi.
Atap aıtqanda, shekara beketteriniń ótkizý qabiletin arttyrýǵa, aýyl jáne mal sharýashylyǵy ónimderin ótkizýge «jasyl dálizdi» qamtamasyz etýge, azamattardyń ózara saparlaryna qolaıly jaǵdaı jasaýǵa, mádenı almasýdy tereńdetýge, týrıstik yntymaqtastyqty ornatýǵa ázirlik rastaldy.
Sondaı-aq sapar barysynda Elshi ulty qazaq QHR azamattarymen kezdesý ótkizdi.
Sh.Nuryshev qandastardy QR Prezıdenti Qasym-Jomart Toqaev bastaǵan saıası jáne ekonomıkalyq reformalardy júzege asyrýdyń negizgi kezeńderi týraly egjeı-tegjeıli habardar etti.
Qazaqstan-Qytaı ekijaqty yntymaqtastyǵynyń qazirgi jaǵdaıy men keleshegi, sondaı-aq Qazaqstan Úkimetiniń qandastarǵa kórsetetin túrli qoldaý sharalary týraly aıtty.
