Qazaqstannyń Qytaıdaǵy elshiliginde QR Tuńǵysh Prezıdenti kúnine oraı saltanatty jıyn ótti
BEIJІŃ. 30 qarasha. QazAqparat - Qazaqstan Respýblıkasynyń Qytaı Halyq Respýblıkasyndaǵy dıplomatııalyq elshiliginde memlekettik mereke - QR Tuńǵysh Prezıdenti Kúnine oraı saltanatty jıyn ótti.
Shara barysynda QR-nyń QHR-daǵy elshisi Nurlan Ermekbaev sóz sóıledi.
Elshi óz sózinde Qazaqstannyń qysqa tarıhı kezeńde áleýmettik-ekonomıkalyq damýda tolymdy tabystarǵa jetkenin, ishki saıası turaqtylyqty saqtap, iri syrtqy saıası jetistikterge qol jetkizip, halyqaralyq arenada keńinen tanylǵanyn atap ótti. «Bul jetistikterdiń barlyǵy Qazaqstan Respýblıkasynyń Tuńǵysh Prezıdenti Nursultan Nazarbaevtyń esimimen baılanysty», - dep atap ótti elshi.
Dıplomatııalyq ókildikte sonymen birge, «Nazarbaev.Live» derekti fılmi kórsetildi. Ol sırek muraǵat kadrlary men Nursultan Nazarbaevtyń tikeleı suhbatynyń negizinde jasalǵan jáne onda QR Prezıdentiniń ómir joly men onyń bılikte qalyptasýy jaıly sóz bolady.
1991 jyldyń 1 jeltoqsanynda el Prezıdentin saılaý boıynsha jalpyhalyqtyq saılaý ótip, onyń barysynda N.Nazarbaev daýys berýshilerdiń 98,7 paıyz qoldaýyna ıe boldy.
