«Qazaqstannyń Qytaıdaǵy dostary klýby» Beıjińde úshinshi otyrysyn ótkizdi
BEIJІŃ. QazAqparat - Beıjińde «Nurly jol» - Qazaqstannyń jańa ekonomıkalyq saıasatynyń jáne «Bir beldeý, bir jol» qytaılyq bastamasynyń túıindesýindegi máseleler» taqyrybynda «Qazaqstannyń Qytaıdaǵy dostary klýbynyń» úshinshi otyrysy ótti, dep habarlaıdy «QazAqparat» HAA-nyń Qytaıdaǵy menshikti tilshisi.
QHR-daǵy QR Tótenshe jáne ókiletti elshisi Shahrat Nuryshev otyrys barysynda Qazaqstan Prezıdentiniń mańyzdy bastamalary týraly aıtyp berdi. 
«Jibek jolynyń ekonomıkalyq beldeýin» qalyptastyrý týraly bastama - ekijaqty qarym-qatynastyń jańa kezeńiniń bastalýyn kórsetedi (...). Búgin de biz «Nurly jol» jańa ekonomıkalyq saıasaty men «Bir beldeý, bir jol» bastamasy birin-biri tolyqtyryp jatyr dep senimmen aıta alamyz», - dedi ol.
«2015 jyldyń jeltoqsan aıynda qurylǵan «Astana» halyqaralyq qarjy ortalyǵy Qazaqstan ınfraqurylymynyń oshaǵyna aınalyp, EAEO men Ortalyq Azııa qarjy habiniń rólin atqarýy kerek», - dep atap ótti Nuryshev. 
Ol «Bes ınstıtýtsıonaldyq reforma» Ult jospary ınvestıtsııalyq tartymdylyqty arttyryp, bıznes-klımattyń oń qalyptasýyna yqpal etetindigin eskerip ótti. 
Eske salaıyq, «Qazaqstannyń Qytaıdaǵy dostar klýby» 2015 jyldyń 10 qarasha kúni quryldy. Onyń quryltaıshylar otyrysynda «Biz ben Siz: Qytaı men Qazaqstan tarıhy» kitabynyń tusaýkeseri ótkizildi.
