Qazaqstannyń qysqy arnaıy olımpıadasynda batysqazaqstandyqtar tabysty óner kórsetti
ORAL. QazAqparat - Kókshetaý qalasynda 24-26 qarashada ótkizilgen Qazaqstannyń qysqy arnaıy olımpıadasynda batysqazaqstandyqtar tabysty óner kórsetti, dep habarlaıdy QazAqparat.
BQO dene shynyqtyrý jáne sport basqarmasynan túsken málimetke qaraǵanda, short-trekten Arsen Sársekenov 555 metrlik qashyqtyqta jeńimpaz atansa, 333 metrlik synda ekinshi keldi. Zamanbek Ýap 555 metrlik qashyqtyqta birinshi, 1 myń metrlik saıysta ekinshi oryndy ıelendi. Gúlderaıym Qademova 555 metrden, Zbaıda Ishanova 111 jáne 555 metrden qola júldeger atandy.
BQO quramasy shańǵy jarysynan da erekshe kózge tústi. Elena Shmykova 500 metrlik saıysta chempıon atansa, 1 myń metrlik qashyqtyqta máre syzyǵyn úshinshi bolyp qıdy. Dınara Joldyǵulova kúmis jáne qola júldeni oljalady. Sol sekildi erler arasynda Azamat Baraqov 500 metrde ekinshi, 1 myń metrde úshinshi oryndy ıelendi. Berik Jumaev 1 myń metrden kúmis, 500 metrden qola júldeger atandy. Al estafetalyq jarysta BQO quramasy úshinshi orynnan kórindi.
