Qazaqstannyń Qyrǵyzstandaǵy elshiligi ulty ózbek azamattarynyń shekaradan ótýine kedergi keltirilgendigi týraly aqparatty joqqa shyǵardy
BІShKEK. Maýsymnyń 17-si. QazAqparat /Evgenıı Novıkov/ - Búgin Qazaqstannyń Qyrǵyzstandaǵy elshiligi qazaqstandyq shekarashylardyń Qyrǵyz Respýblıkasynyń ulty ózbek azamattarynyń ótýine kedergi keltirý faktisiniń oryn alǵandyǵy týraly birqatar qyrǵyz BAQ-tarynan Qyrǵyzstannyń shekara qyzmetine silteme jasaı otyryp taratqan habaryn joqqa shyǵardy.
Osyǵan baılanysty Qazaqstannyń dıplomatııalyq ókildigi atalmysh jarııalanymnyń shyndyqqa janaspaıtyndyǵyn resmı túrde málimdeıdi.
Buryn habarlanǵandaı, Qazaqstannyń shekara qyzmeti QR-daǵy turaqsyz jaǵdaıǵa baılanysty Qazaqstan men Qyrǵyzstan arasyndaǵy memlekettik shekarany qatań baqylaýǵa alǵan.
