Qazaqstannyń kvazımemlekettik sektoryna merıtokratııa prıntsıpteri engiziledi

Bul týraly búgin Ortalyq kommýnıkatsııalar qyzmetinde ótken brıfıngte Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Saıan Ahmetjanov málim etti.

"Qazaqstannyń kvazımemlekettik sektoryna merıtokratııa prıntsıpterin engizý - mańyzdy aspekt. Osy saladaǵy jumysty taldaýdy júrgizý aıasynda, "Aktsıonerlik qoǵamdar týraly" zańdy, Eńbek kodeksin jetildirý arqyly biz ákimshilik memlekettik qyzmette bar krıterıılerdi, ıaǵnı merıtokratııa, ashyqtyq prıntsıpterin engize alar edik", - dep atap ótti ol.

Onyń sózine qaraǵanda, QR Úkimetinde quramyna eldiń negizgi ulttyq kompanııalary, holdıngteri, aktsıonerlik qoǵamdary, jalpy kvazımemlekettik sektordy usynatyn ókilder kiretin jumys toby qurylýda.

"Kvazımemlekettik sektor apparatynyń kásibıligin arttyrý, kadrlyq protsesterdiń ashyqtyǵy - osy saladaǵy bıznes-protsesterdiń damýyna, onyń ashyq bolýyna septigin tıgizedi", - dep atap ótti S.Ahmetjanov.