Qazaqstannyń kúshtik qurylymdary sybaılas jemqorlyqqa qarsy memorandýmǵa qol qoıdy
Búgingi kúni sybaılas jemqorlyqttyń alǵysharttaryn joıýǵa baǵyttalǵan memlekettiń mańyzdy baǵdarlamalyq qujaty 2015-2025 jyldarǵa qabyldanǵan Sybaılas jemqorlyqqa qarsy strategııa boldy.
«Sybaılas jemqorlyq - kez kelgen memlekettiń júıesin ǵana emes, sonymen birge, negizin buzatyn basty fatkorlarynyń biri. Al eger ol kúshtik qurylymda, onyń ishinde memlekettik qurylystyń tiregi bolyp keletin armııada tamyr jaısa, onda onyń saldarynyń aýqymy týraly aıtýdyń ózi jónsiz. Elbasy - QR QK Joǵarǵy Bas Qolbasshysy Nursultan Nazarbaevtyń myna sózin aıryqsha atap ótkim kelip tur. «Iyǵyna pogon taqqan adamdar minsiz júris-turyspen erekshelenýi tıis, al olardyń qatarynda sybaılas jemqorlyqtyń etek jaıýy ulttyq qaýipsizdik pen qoǵamdyq turaqtylyqqa qaýip tóndiredi», - dedi QR Qorǵanys mınıstri Imanǵalı Tasmaǵambetov.
Qorǵanys mınıstrligi men Bas shtabynyń apparatymen qatar, keńeske óńirlik qolbasshylyq, ásker tekteriniń qolbasshylary qatysty. Sebebi, tikeleı bólimder men quramalarda udaıy túsindirme jáne aldyn alý sybaılas jemqorlyqqa qarsy jumysty dál solarǵa júrgizýge týra keledi.
Qorǵanys mınıstri Qarýly Kúshterde sybaılas jemqorlyqqa qarsy is-qımyl boıynsha belgili bir nátıjelerge qol jetkizý qadaǵalaý organdarymen birlesip jumys jasaýdyń arqasynda bolǵanyn atap ótti. Qazaqstan Respýblıkasynyń Qarýly Kúshterinde, basqa da áskerleri men áskerı quralymdarynda sybaılas jemqorlyqqa qarsy is-qımyl máseleleri boıynsha ózara yntymaqtastyq etý úshin keńeske qatysýshylar 2016 jylǵy 1 qańtardan bastap kúshine enip, qoldanysqa engiziletin memorandýmǵa qol qoıdy. Atalǵan qujatqa QR Qorǵanys mınıstri Imanǵalı Tasmagambetov, QR Bas prokýrory Ashat Daýylbaev, QR Memlekettik qyzmet isteri jáne sybaılas jemqorlyqqa qarsy is-qımyl jónindegi agenttiginiń tóraǵasy Qaırat Qojamjarov, QR Ulttyq qaýipsizdik komıtetiniń tóraǵasy Nurtaı Ábiqaev jáne QR Іshki ister mınıstri Qalmuhanbet Qasymov qol qoıdy, sondaı-aq Joǵarǵy Sot tóraǵasy Qaırat Mámı qatysty.
QR Memlekettik qyzmet isteri jáne sybaılas jemqorlyqqa qarsy is-qımyl jónindegi agenttiginiń tóraǵasy Qaırat Qojamjarov jańa zańǵa jańa tetikter engizilgenin qosyp ótti. «Atap aıtsaq, sybaılas jemqorlyqqa qarsy monıtorıngi, sybaılas jemqorlyq qaýip-qaterleriniń taldaýy, sybaılas jemqorlyqqa qarsy standarttar men mádenıet. Bul aspektide Qorǵanys mınıstrliginiń basshylyǵy elimizdiń qorǵalýyn nyǵaıtý jáne óz qatarymyzda jemqorlyqty aldyn alý jóninde birizdi jáne júıeli sharalar keshenin qabyldaýda. Óz aramyzda memorandýmǵa qol qoıý ortaq iste nyǵaıtý qajettiligin rastaıtyn ataýly kún bolyp tabylady. Osylaısha, aramyzdaǵy yntymaqtastyq kóp baǵytty jáne keń aýqymdy bolady», - dedi ol.
Osy qujatty iske asyrý sheńberinde jumys kezdesýleri ótkizilýi, sybaılas jemqorlyqqa qarsy is-qımyl aıasynda ózara qyzyǵýshylyq týǵyzatyn jedel aqparat almasý júzege asyrylýy, QR zańnamasymen júktelgen tapsyrmalardy oryndaý úshin birlesken josparlar ázirlenýi múmkin.