Qazaqstannyń kúshti jaqtarynyń biri el halqynyń birligi bolyp tabylady - Halyqaralyq Islamdyq ǵylym akademııasynyń bas dırektory Mýnıf ál-Zýhbı
STANA. Sáýirdiń 30-y. QazAqparat - Iordanııalyq ǵalym, Halyqaralyq Islamdyq ǵylym akademııasynyń bas dırektory Mýnıf ál-Zýhbı Prezıdent Nursultan Nazarbaevtyń «Jańa onjyldyq - jańa ekonomıkalyq órkendeý - Qazaqstannyń jańa múmkindikteri» atty Qazaqstan halqyna Joldaýyna qatysty óz pikirin bildirdi.
Qazaqstannyń Iordanııadaǵy Elshiligine joldaǵan hatynda ıordanııalyq ǵalym, halyqaralyq daǵdarystyń saldaryna qaramastan, Qazaqstannyń sońǵy jyldary ornyqty ekonomıkalyq ilgerileýge qol jetkizip otyrǵanyn atap kórsetedi. Ǵalym hatynda sondaı-aq, Keden odaǵyn qurýdyń esebinen edáýir keńeıip otyrǵan Qazaqstannyń Belarýs jáne Reseımen aımaqtyq ekonomıkalyq yntymaqtastyǵyna oń baǵa beretindigi aıtylǵan, dep habarlady Qazaqstan elshiliginen.
Ǵalym sonymen birge, Qazaqstannyń kúshti jaqtarynyń biri el halqynyń birligi ekendigin atap kórsetedi.
