Qazaqstannyń kúsh-qýat qurylymdary men shuǵyl áreket etý qyzmetteri Azıada-2011-ge daıyndyq ústinde
LMATY. Maýsymnyń 18-i. QazAqparat /Danıel Shaıynǵazın/ - Búgin Almaty mańyndaǵy "Medeý" sport kesheninde barlyq kúsh-qýat qurylymdary men shuǵyl áreket etý qyzmetteriniń bólimsheleri "Qorǵaý-Lańkestikke qarsy-2010" respýblıkalyq lańkestikke qarsy jedel taktıkalyq jattyǵýlardy aıaqtady, dep habarlady Ulttyq qaýipsizdik komıtetiniń baspasóz qyzmeti.
UQK taratqan habarlamaǵa sáıkes, jattyǵýlar 2011 jylǵy jetinshi qysqy Azıada oıyndary ótkiziletin sporttyq nysandardyń qaýipsizdigin qamtamasyz etýge daıyndyq maqsatynda UQK lańkestikke qarsy ortalyǵynyń muryndyq bolýymen ótkizildi.
Jattyǵýlar kezinde respýblıkalyq jáne qalalyq jedel shtabtar, UQK, Prezıdenttiń kúzet qyzmeti, ІІM, TJM, Qorǵanys mınıstrligi men basqa respýblıkalyq jáne jergilikti atqarý organdary bólimsheleriniń sheshimderi men ózara is-qımyl tetikteri pysyqtady.
Azıada-2011 daıyndyq barysynda qaýipsizdikti qamtamasyz etý máselelerine erekshe kóńil bólinedi.
Azıada Astana men Almaty qalalarynda 2011 jyldyń qańtardyń 30-y men aqpannyń 6-sy aralyǵynda ótedi.
