Qazaqstannyń qurmetti qurylysshysy, eńbek ardageri Uzaqbaı Mamın dúnıeden ozdy
NUR-SULTAN. QazAqparat - 13 maýsymda eńbek ardageri, Qazaqstannyń qurmetti qurylysshysy jáne Aqmola oblysynyń qurmetti azamaty Uzaqbaı Japaruly Mamın dúnıeden ótti, dep habarlaıdy QazAqparat.
Uzaqbaı Mamın 1937 jylǵy 1 naýryzda Aqmola oblysy Ereımentaý aýdanynyń Blagodatnoe aýylynda týǵan.
Qurylys salasynda sheberden bastap «Tselınogradelevatormelstroı», «Tselınsantehmontaj» tresteri, Tselınograd oblysynyń agroónerkásiptik komıtetiniń qurylys kesheni sııaqty birqatar qurylys uıymdarynyń basshysyna deıingi uzaq eńbek jolynan ótti.
Eren eńbegi men jumystaǵy jetistikteri úshin Halyqtar dostyǵy jáne «Qurmet» ordenderimen marapattaldy.
Keıingi jyldary Nur-Sultan qalasynyń ardagerler keńesinde belsendi eńbek etti.
