Qazaqstannyń qupııa sanalǵan geologııalyq derekteri jarııa etilmek
«Qazaqstannyń mıneraldyq-shıkizat bazasyn tolyqtyrý jáne geologııalyq zerdelenýin arttyrý maqsatynda mınıstrlik kelesi jumystardy júrgizýde. Geologııalyq barlaý salasyn damytý boıynsha Ulttyq joba ázirlenýde. Osy jobanyń aıasynda kendi jáne kensiz aımaqtardyń áleýetin ashýǵa múmkindik beretin jańa ǵylymı negizdelgen jumystar josparlanatyn bolady. Geologııalyq aqparatty qupııasyzdandyrý boıynsha jumystar júrgizilip jatyr. Onyń ishinde buryn qupııa bolyp sanalǵan jekelegen sırek kezdesetin jer metaldaryna (lıtıı, tantal, nıobıı) ashyq qoljetimdilik qamtamasyz etiledi», - dedi mınıstr.
Onyń atap ótýinshe, jer qoınaýyn memlekettik geologııalyq zertteýdi damytý jáne jańa perspektıvti ýchaskelerdi tabý yqtımaldyǵyn arttyrý bóliginde 1:50 000 masshtabynda jer qoınaýyn keń aýqymdy óńirlik 3 geologııalyq zertteýdi zamanaýı zertteý ádisterimen júrgizý jónindegi normatıvtik-ádistemelik nusqaýlyqtar daıyndalyp jatyr. Mıneraldyq-shıkizat bazasyn tolyqtyrý, jer qoınaýyn geologııalyq zertteý, geologııalyq barlaýdy basqarý jónindegi biryńǵaı memlekettik saıasatty iske asyrý maqsatynda Memlekettik jer qoınaýy qoryn basqarý baǵdarlamasyn ázirleýge jáne bekitýge (EM jáne IIDM kelisimi boıynsha) jáne mınıstrliktiń qoldanystaǵy ınfraqurylym men ınspektorlyq quramy aıasynda Ekologııa, geologııa jáne tabıǵı resýrstar mınıstrligin qatty paıdaly qazbalar bóliginde memlekettik baqylaýdy oryndaý boıynsha jaýapty dep aıqyndaý usynyldy.
«Osylaısha, geologııalyq barlaýǵa ınvestıtsııalar aǵynyn yntalandyrý tetikterin jetildirý jer qoınaýyn geologııalyq zertteýdiń ınvestıtsııalyq tartymdylyǵyn arttyrýǵa, mıneraldyq-shıkizat bazasyn molaıtýdy jáne jańa ken oryndaryn ashýdy qamtamasyz etýge múmkindik beredi»,- dedi Qazaqstan Respýblıkasynyń Ekologııa, geologııa jáne tabıǵı resýrstar mınıstri Maǵzum Myrzaǵalıev.
