Qazaqstannyń quqyq qorǵaý júıesin reformalaý kerek - Elbasy Joldaýyna ún qatý
ALMATY. Qańtardyń 29-y. QazAqparat /Ekaterına Ionova/ - Elbasy Nursultan Nazarbaev búgin Qazaqstan halqyna Joldaýynda el damýynyń 2020 jylǵa deıingi strategııalyq baǵdarlamasyn jarııa etti, jáne buǵan deıingi onjyldyqtyń qorytyndysyn shyǵaryp, jańa onjyldyq kezeńge jańa mindetter qoıdy.
Elbasynyń «Jańa onjyldyq - Qazaqstannyń jańa ekonomıkalyq órleýi, jańa múmkindikteri» atty Joldaýyna qatysty óz oıymen bólisken Konstıtýtsııalyq Keńes múshesi Nıkolaı Belokýrov osylaı dedi, dep habarlaıdy QazAqparat tilshisi.
«Prezıdent quqyqtyq reformaǵa basa nazar aýdardy. Memleket basshysy óz sózinde, quqyq qorǵaý júıesin reformalaý qajettigin erekshe atap kórsetti. N.Nazarbaev atap kórsetkenindeı, «bul sala táýelsizdik alǵaly beri jete reformalanbaı qalyp otyr».
Quqyq qorǵaý salasyndaǵy barlyq kemshin tustarǵa toqtalyp ótken Elbasy, aǵymdaǵy jyly quqyq qorǵaý júıesine reforma júrgizý mindetin qoıdy jáne birinshiden, quqyq qorǵaý organdaryn ońtaılandyrý qajettigin, ekinshiden, mindettelgen ár ýchaske úshin taraptardyń quzyrettigi men jaýapkershilikteriniń arajigin ajyratý, qylmystyq zańnamany izgilendirý, quqyq qorǵaý organdarynyń qyzmetine parlamenttik jáne qoǵamdyq baqylaýdyń tetikterin jasaý qajettigin atap kórsetti, deıdi Konstıtýtsııalyq Keńes múshesi.
