Qazaqstannyń quqyq qorǵaý organdarynda «tildik ortaǵa sińý» ádisi engiziledi

ASTANA. 4 maýsym. QazAqparat - Qazaqstannyń quqyq qorǵaý organdarynda memlekettik tildi meńgerý deńgeıin kóterý úshin «tildik ortaǵa sińý» ádisi engiziledi. Bul týraly búgin quqyq qorǵaý organdaryndaǵy kadr saıasaty tujyrymdamasyn talqylaý máselelerine arnalǵan dóńgelek ústel otyrysynda QR Bas prokýrorynyń orynbasary Jaqyp Asanov málim etti.

Memlekettik tildi meńgerý tıimdilik bermeıtin kezeń-kezeńimen dáris berý ádisimen oqytylyp kele jatqandyǵyn atap ótken ol: «Sondyqtan da «tildik ortaǵa sińý» ádisin engizý josparlanýda. Qyzmetkerler óz qalaýlarymen sóılesýdegi jáne is qaǵazyn júrgizýdegi negizgi til qazaq tili bolyp tabylatyn óńirlerge jiberiledi», - dedi.