Qazaqstannyń quqyq qorǵaý organdary Qyrǵyzstannyń 250 azamatynyń elderine qaıtýlaryna kómek kórsetti

Bul týraly búgin jýrnalıstermen bolǵan brıfıngte Іshki ister mınıstrliginiń til saıasaty jáne aqparat departamentiniń bastyǵy Qýanyshbek Jumanov málim etti.

Onyń sózine qaraǵanda, beısenbi, ıaǵnı maýsymnyń 15-i kúni Ońtústik Qazaqstan oblysynyń Saryaǵash aýdanyndaǵy kedendik beketterdiń birinde 254 Qyrǵyzstan azamaty bolǵan. Olardyń 124-i - Bishkekten, al 130-y - Reseıden. «Atalǵan azamattardyń barlyǵy Qyrǵyzstannyń Osh qalasyna bara jatqan. Sondaı-aq olar Ózbekstannyń aýmaǵynan zańdy túrde ótpek bolǵan. Alaıda ózbekstandyq kedenshiler olardy jibermegen», dedi departament bastyǵy.

Onyń aıtýynsha, elimizdiń quqyq qorǵaý organdary Ulttyq qaýipsizdik qyzmetiniń ókilderimen birlesip, qyrǵyzdardyń Jambyl oblysynyń Qordaı keden beketi arqyly elderine oralýlaryna qolǵabys etken. Otanyna qaıtýǵa nıet bildirgen qyrǵyzdar mingen kólik maýsymnyń

16-sy kúni tańǵy saǵat 5-00-de Qordaı keden beketine jetkizilip, ol jerden kórshi eldiń azamattary shekara asqan.