Qazaqstannyń krımınalısteri Interpoldyń vırtýaldy akademııasynda oqýdy bastady

Bul týraly Іshki ister mınıstriniń keńesshisi Nurdildá Oraz málim etti, dep habarlaıdy QazAqpara tilshisi.

«Polıtsııanyń negizgi mindetteriniń biri – qylmystardy ashý jáne tergeý. Bul jumystyń tıimdiligin arttyrýǵa erekshe kóńil bólinedi. Mysaly qazan aıynda Interpoldyń vırtýaldy akademııasy bazasynda bıometrııa arqyly qylmystardy ashý daǵdylaryn ashý úshin bizdiń krımınalısterimizdi oqytý bastaldy. DNK-profılder men daktıloskopııalyq derektermen olardy tabý maqsatynda adamdardy beınelerdi almasý jumysy ázirlendi. Qatysýshylar bıometrııalyq derektermen halyqaralyq almasý týraly daǵdylarmen bilim alady», - dedi Nurdildá Oraz onlaın brıfıng barysynda.

Sonymen qatar qazaqstandyq polıtseıler basqa da elderdiń krımınalısterimen ózara baılanys jasaý múmkindigine ıe bolǵan.

«Aldaǵy ýaqytta Interpoldyń qylmysqa qarsy kúrestiń jáne azamattardyń qaýipsizdigin qamtamasyz etetin basqa da baǵyttar boıynsha vebınarlaryn ótkizý josparlanyp otyr», - dedi ol.