Qazaqstannyń kóshi-qon zańyn buzǵan 1700-den astam sheteldik elden qýyldy
ASTANA. QazAqparat - Qazaqstannyń kóshi-qon zańyn buzǵan 1700-den astam sheteldik elden shyǵaryldy. Bul týraly QR Іshki ister mınıstrligi Memlekettik til jáne aqparat departamentiniń dırektory Almas Sadýbaev aıtty, dep habarlaıdy QazAqparat.
Onyń aıtýynsha, elimizdegi quqyqtyq tártipti qadaǵalaý maqsatynda 10 qańtardan bastap 1 jeltoqsanǵa deıin «Ýchaske» dep atalatyn josparly jedel aldyn alý sharalary ótkizilýde. Onyń aıasynda jergilikti polıtsııa qyzmetkerleri páterler men aýlalarǵa tekserý júrgizip jatyr.
«Qazannyń 9-18 kúnderi aralyǵynda 28 myńnan astam quqyq buzýshylyq, onyń ishinde otbasylyq-turmystyq qarym-qatynas salasynda 518, kishigirim buzaqylyq boıynsha 1,3 myńnan astam fakti tirkeldi. Turaqty jáne ýaqytsha turǵylyqty jerine tirkeýde turý erejesin buzǵany úshin 5 myńnan astam adam ákimshilik jaýapkershilikke tartyldy. Onyń 3778-i Qazaqstan, al 1647-si sheteldik. Sheteldikterdiń 701-i - Ózbekstan, 685-i - Qyrǵyzstan, 71-i - Reseı, 27-si - Tájikstan jáne 163-i ózge memleketterdiń azamattary. Kóshi-qon zańnamany buzǵan 1713 sheteldik Qazaqstan Respýblıkasy aýmaǵynan shyǵarylyp, elde bolý merzimi qysqartyldy», - dedi Almas Sadýbaev.
