Qazaqstannyń qos pancheri Azııa chempıonatynyń úzdik bestigine endi
Azııa birinshiligine 18 elden 200 shaqty sportshy jınalǵan. Qazaqstannyń atynan ultyq quramanyń 37 sportshysy qatysyp jatyr. Fınalǵa shyǵý úshin 23 qazaqstandyq baq synasa, onyń 15-i jekpe-jekti jeńispen aıaqtady.
Úshinshi kún qazaqstandyq sportshylar úshin jarqyn jekpe-jektermen jáne merziminen erte jeńistermen erekshelendi. Birden eki qazaqstandyq pancher – Erulan Qabdýlov pen Alık Domnıch úzdik márelerdiń TOP bestigine endi.
Jarys kúnin Qazaqstan quramasy 47,6 keli salmaqta Túımegúl Júnistiń jeńisimen ashty. Ol úndistandyq sportshy Hýshbý Nıshadty utyp, jeńiske jetti.
52,2 keli salmaqta Erulan Qabdýlov Úndistannan kelgen Shabarısh Aıanardy úshinshi raýndta nokaýtqa túsirdi. Darhan Ismaǵulov pen Rýslan Ábdirahmanov tájikstandyq sportshylar Vohıd Shohıdzoda men Isrofıl Komılzodadan tóreshileriniń sheshimimen jeńilip, qola júldeger atandy.
Qyzdar arasynda dál osy salmaqta Matılda Bachýrına birinshi raýndta tájikstandyq Vatansýlton Shakarshoevany «gılotına» qylqyndyrý ádisimen jeńdi.
56,7 keli salmaqta Ońǵar Smaǵul mońǵolııalyq Otgonbaatar Boltbaatardan «gılotınaǵa» túsip, «qola» ıegeri atandy. Al, Ersultan Shákenbaı ózbek Muhammedsıddık ıÝldashevty tóreshiler sheshimimen jeńdi.
Qyzdar arasynda osy salmaqta Inas Áshirbek pen Áıgerim Tórehanova synǵa tústi. Inas Bahreın atynan shyqqan brazılııalyq Fabıola Sılvadan tehnıkalyq nokaýtpen utylyp, qola júldeger atandy. Al, Áıgerim Tórehanova pákistandyq Eman Hanmen qıyn beldesýde tóreshilerdiń sheshimimen jeńiske jetti.
61,2 keli salmaqtaǵy Adel Mahametova tájikstandyq Manıja Samadovany birinshi raýndta tehnıkalyq nokaýtpen jeńdi.
Bul salmaqta erler arasynda Salaýat Qabı tájikstandyq Akrom Uzaqovtan tóreshiler sheshimimen jeńildi. Shyńǵys Ydyrysov ta upaı sany boıynsha Tájikstan jastar quramasynyń eń myqty sportshysy Otabek Radjabovtan jeńildi. Eki qazaqstandyq ta qola júldege qol jetkizdi.
Jastar arasynda 65,8 kelige deıingi salmaqta Samǵat Shabdan tájikstandyq Sýhrobjon Chakalovty tóreshiler sheshimimen jeńdi.
70,3 keli salmaqta Belgibaı Ádilbek biraýyzdan lıvandyq boksshy Tonı Boý Rachedany jeńdi. Neımat Asadov tájikstandyq Masýd Odınaevtan jeńilip, qola júldeger atandy.
Qyzdar arasynda osy sanattaǵy jartylaı fınaldyq kezdesýde Janerke Jamalova ózbekstandyq Ýgıloı Djýmanovaǵa ese jiberdi.
77,1 kelige deıingi jartylaı orta salmaqta beldesken Dosjan Kenjebaev tóreshilerdiń biraýyzdan sheshimimen ózbekstandyq boksshy Mýnıs Mýmınjonovty jeńdi. Danııl Gýbın ózbek sportshysy Shahrıerbek Mamatqulovtan upaı sany boıynsha utylyp, úshinshi orynǵa ıe boldy.
83,9 kelige deıingi orta salmaqta Denıs Cherepenko tájikstandyq sportshy Tohır Valıevti «úshburysh» qylqyndyrý ádisin qoldanyp, merziminen buryn berilýge májbúr etti. Al, Dıas Oser Súleıdiń sheshimimen tájikstandyq Dovıdjon Zıeevti jeńdi.
93 kelige deıingi salmaqta Alık Domnıch tájikstandyq Abdýllo Nazarovty nokaýtqa túsirdi.
Asa aýyr salmaqtaǵy Nurádil Qaıyrbergenuly qarsylasy ózbekstandyq Shohdjahon Turaqulovpen teń jekpe-jek ótkizdi. Tóreshiler birjaqty sheshim shyǵara almaı, qosymsha raýnd jarııalady. Onyń qorytyndysy boıynsha mınımaldy basymdyqpen jeńis Turaqulovqa berildi.
120,2 keliden asa salmaqta Rasýl Hataev birinshi raýndta tájikstandyq Abdýbashır Bafoevty «qolmen úshburysh» qylqyndyrý ádisimen jeńdi.
Foto: instagram.com/kazmma_official