Qazaqstannyń Qorǵanys mınıstrligi Astana túbinde qulaǵan Mı-17 tikushaǵy «qara jáshiginiń» qupııasyn ashty

Tórt áskerı qyzmetkerdiń ómirlerin qıyp áketken áýe apatynyń sebepteri týraly búgin baspasóz konferentsııasy kezinde bul oqıǵany tergeý boıynsha komıssııanyń tóraǵasy, polkovnık Murat Qajymuratov baıandady.

«Ushýdy zertteý komıssııasy tergeý nátıjeleri boıynsha apattyń sebebin anyqtady. Oǵan tikushaqtyń sol jaqqa ózdiginen aınalý rejimine ótip, odan keıin salmaq túsetin buranda dóńgelegi rejimine ótýi sebep boldy», - dep túsindirdi ol.

 Sonyń saldarynan erejege saı tómendeýden artyq jyldamdyqpen quldılaı qonǵan   tikushaq qırap, janyp ketken.

«Avıatsııalyq tehnıkanyń jaǵdaıy tikushaqtyń apatyna sebep emes, onyń ushýy zańdy negizderde boldy», - dep qosty M.Qajymuratov.