Qazaqstannyń kóptegen óńirinde aýa raıyna baılanysty eskertý jarııalandy
Jetisý oblysynyń soltústiginde jáne shyǵysynda soltústik-batystan jel soǵady, ekpini 23-28 m/s jetedi.
Tańerteń jáne kúndiz Túrkistan oblysynyń soltústiginde shańdy daýyl kútiledi. Shyǵystan jel soǵady, tańerteń jáne kúndiz oblystyń soltústiginde, batysynda, taýly aýdandarynda kúshi 15-20 m/s. Oblystyń basym bóliginde tótenshe órt qaýipi saqtalady.
Atyraý oblysynyń soltústiginde, ońtústiginde, shyǵysynda ońtústik-shyǵys, ońtústikten jel soǵady, ekpini 15-20 m/s jetedi.
Aqmola oblysynyń soltústiginde, shyǵysynda kóktaıǵaq, tuman túsedi.
29 qyrkúıekte túnde Aqtóbe oblysynyń ortalyǵynda, kúndiz batysynda, ortalyǵynda ońtústikten, ońtústik-shyǵystan jel soǵady, ekpini 15 m/s kútiledi.
Shyǵys Qazaqstan oblysynda jaýyn-shashyn, oblystyń soltústiginde, shyǵysynda qatty jaýyn-shashyn bolyp, jańbyrdyń sońy qarǵa ulasady.
Abaı oblysynda da jańbyrdyń sońy qarǵa ulasady.
Pavlodar oblysyńyń ońtústiginde, shyǵysynda kóktaıǵaq bolady.
Astanada túnde jáne tańerten tuman túsedi.
Batys Qazaqstan oblysynyń soltústiginde, batysynda naızaǵaı kútiledi. Jel ońtústik-shyǵystan batysqa aýysyp soǵady, oblystyń soltústiginde, batysynda ekpini 15-20 m/s.
Qostanaı oblysynyń soltústik-shyǵysynda tuman kútiledi. Kúndiz oblystyń batysynda álsiz jaıaý burqasyn, kóktaıǵaq kútiledi. Shyǵystan, ońtústik-shyǵystan jel soǵady, kúndiz oblystyń batysynda ekpini 15-20 m/s.
Qyzylorda oblysynda jel soltústik-shyǵystan soǵady, kúndiz oblystyń ortalyǵynda kúshi 15-20 m/s kútiledi. Tótenshe órt qaýpi saqtalady. Qyzylorda q.: 29 qyrkúıekte tótenshe órt qaýpi saqtalady.
Túnde 29 qyrkúıekte Qaraǵandy oblysynyń soltústik-shyǵysynda tuman, kóktaıǵaq kútiledi.
Mańǵystaý oblysynyń soltústiginde, ońtústiginde, ortalyǵynda shańdy daýyl
29 qyrkúıekte túnde Soltústik Qazaqstan oblysynyń ońtústik-shyǵysynda kóktaıǵaq kútiledi. Oblystyń batysynda tuman kútiledi.
