Qazaqstannyń kóptegen bóliginde tuman túsedi - 11 qańtarǵa aýa raıy boljamy
ASTANA. 10 qańtar. QazAqparat - 11 qańtarda Qazaqstannyń batys aýdandarynyń aýa raıyna tsıklon áser etein bolady, sonyń saldarynan keı jerlerde shamaly qar jaýyp, tuman túsedi. Bul týraly Qazgıdrometke silteme jasap TJM baspasóz qyzmeti habarlaıdy.
Respýblıkanyń ońtústik aımaqtarynda atmosferalyq aǵyndardyń áserinen shamaly qar jaýyp, jel kúsheıedi. Qalǵan aýmaqta kún ashyq bolady.
Mańǵystaý, Atyraý, Qostanaı, Soltústik Qazaqstan, Aqmola, Qaraǵandy, Shyǵys Qazaqstan oblystarynda keıbir jerlerde tuman túsedi.
Aqtóbe oblysynda túnde tuman túsip, jaıaý borasyn bolady, jeldiń ekpini sekýndyna 15-20 metrge jetedi.
Qyzylorda, Ońtústik Qazaqstan, Jambyl oblystarynda - keı jerlerde tuman túsedi, jeldiń kúshi sekýndyna 15-20 metrge jetedi.
Almaty oblysynda keı jerlerde tuman kóteriledi, Jalańashkól aýdanynda ońtústik-shyǵystan soqqan jeldiń ekpini sekýdyna 18-23 metrge deıin kúsheıedi.
