Qazaqstannyń kóptegen bóliginde aıazdy kún raıy saqtalýda - 1 aqpanǵa arnalǵan aýa raıy boljamy
ASTANA. 31 qańtar. QazAqparat - 31 qańtar túninde, 1-2 aqpan kúnderi óte qatty aıaz bolady dep kútilýde: Almaty oblysynyń soltústik-shyǵysynda jáne Jambyl oblysynda -30, -35 gradýs,
Pavlodar, Shyǵys Qazaqstan oblystarynda -40,-45 gradýs, Qaraǵandy oblysynyń soltústik-shyǵysynda -40, -45 gradýs aıaz bolady, dep habarlaıdy «Qazgıdromet» RMK.
31 qańtar túninde, 1-2 aqpan kúnderi Aqmola, Soltústik Qazaqstan oblystarynda -40,-43 gradýs aıaz bolady dep kútilýde, 1-2 aqpan túnderi Mańǵystaý oblysynda -22 gradýsqa deıin sýytady.
Qazaqstannyń kóptegen bóliginiń 1 aqpandaǵy aýa raıyna Kar jáne Barents teńizderi aýdandarynan kelgen sýyq aýa massalary áser etedi. Respýblıkanyń kóp bóliginde aıazdy kún raıy saqtalady, jekelegen oblystarda jeldiń kúsheıýi, burqasyn, tuman, kóktaıǵaq bolýy múmkin.
Mańǵystaý oblysynda keıbir jerlerde kóktaıǵaq, jaıaý burqasyn, jeldiń sekýndyna 15-20 metrge deıin kúsheıýi kútilýde. Atyraý, Batys Qazaqstan, Aqtóbe oblystarynda - keıbir jerlerde jeldiń sekýndyna 15-20 metrge deıin kúsheıýi, Aqtóbe oblysynda - jaıaý burqasyn bolmaq. Qostanaı, Shyǵys Qazaqstan oblystarynda keıbir jerlerde jaıaý burqasyn bolady dep kútilýde, al túnde jáne tańerteń keıbir jerlerde tuman, Shyǵys Qazaqstan oblysynda jeldiń ekpini sekýndyna 15-20 metrge deıin kúsheıedi.
Qaraǵandy oblysynda túnde jáne kúndiz keıbir jerlerde tuman bolady. Qyzylorda, Ońtústik Qazaqstan oblystarynda keıbir jerlerde jaıaý burqasyn, jeldiń sekýndyna 15-20 metrge deıin kúsheıýi kútilýde. Jambyl oblysynda - keıbir jerlerde tuman, kóktaıǵaq, sekýndyna 15-20 metrge deıin ekpinde jel soǵady. Pavlodar, Shyǵys Qazaqstan, Almaty oblysynyń soltústiginde túnde óte qatty aıaz bolady dep kútilýde. Qaraǵandy oblysynda túnde qatty, keıbir jerlerde óte qatty aıaz bolady. Soltústik Qazaqstan, Aqmola oblysynyń keıbir jerlerinde, Jambyl oblysynyń soltústik-shyǵysynda túnde qatty aıaz bolady dep kútilýde.
Taıaýdaǵy táýlikterde Ońtústik Qazaqstan, Qyzylorda, Jambyl, Almaty jáne Shyǵys Qazaqstan oblystarynyń kóptegen ózenderinde muz qubylystaryna baılanysty sý deńgeıleriniń aýytqýlary baıqalady, jekelegen ózenderde sý deńgeıiniń kúrt kóterilýi jaǵdaıynda olardyń arnalarynan asyp, sý basý jaǵdaılary bolýy múmkin.
